Zbardhet ngjarja e ndodhur në orët e para të mëngjesit të datës 29 qershor 2023, në lagjen “10 Korriku”, ku shtetas të paidentifikuar vendosën lëndë eksplozive në garazhin e automjeteve të një qytetari.

Policia ka bërë të mundur identifikimin e dy të dyshuarve si autorë të vendosjes së lëndës eksplozive dhe i ka shpallur ata në kërkim. Mësohet se shtetasit S. M, 27 vjeç dhe Z. M., 27 vjeç, janë shpallur në kërkim edhe më parë për ngjarje të tjera kriminale, të ndodhura në qytetin e Shkodrës.

Njoftimi i policisë

Strukturat hetimore te Komisariatit të Policisë Shkodër, në bashkëpunim me ato të DVP Shkodër dhe me Prokurorinë e Shkodrës, menjëherë pas ngjarjes së ndodhur në lagjen “10 Korriku”, Shkodër, ku në derën e garazhit të automjeteve në pronësi të shtetasit A. U. shpërtheu një sasi lënde plasëse (me pasoja vetëm dëme materiale), kanë organizuar punën me qëllim zbardhjen e kësaj ngjarjeje si dhe për identifikimin e kapjen e autorëve.

Falë veprimeve të shpejta dhe profesionale hetimore, administrimit të provave në vendngjarje si dhe këqyrjes së kamerave në aksin rrugor, përmes të cilit dyshohet se mund të ishin larguar autorët, u bë e mundur zbardhja e ngjarjes si dhe identifikimi i dy autorëve të dyshuar të saj. Gjithashtu, nga këto veprime dyshohet se dy autorët e dyshuar janë larguar nga vendi i ngjarjes me një motomjet të vjedhur në qytetin e Shkodrës, pak para ngjarjes.

Në vijim të veprimeve procedurale, për këtë rast u shpallën në kërkim shtetasit S. M, 27 vjeç dhe Z. M., 27 vjeç, të shpallur në kërkim edhe më parë për ngjarje të tjera kriminale të ndodhura në qytetin e Shkodrës.

LEXONI GJITHASHTU:

• Apeli i 78-vjeçarit: Bëni analiza që të jetoni gjatë
• SHBA: Shpallja e dy organizatave në veri si terroriste, vendim i pakoordinuar