Shisnin kanabis pranë shkollave, e ‘pësojnë keq’ dy të rinjtë në Kamëz

Policia e Kamzës ka arrestuar në flagrancë 2 të rinj që shpërndanin doza kanabisi, në afërsi të shkollave.

Njëri nga të arrestuarit kishte thyer masën e sigurisë “Arrest në shtëpi”, të caktuar nga Gjykata, për një vepër tjetër penale, “Ndihma për kalim të paligjshëm të kufijve”.

Efektivët kanë mundur të sigurojnë doza me lëndë të dyshuar narkotike cannabis sativa.

Materialet në ngarkim të tyre i kaluan Prokurorisë, për veprime të mëtejshme.

“Në kuadër të operacionit STOP u kapën në afërsi të dy shkollave të ndryshme në Kamzë dhe u vunë në pranga shtetasit Xh. K., 23 vjeç dhe A. Th., 28 vjeç, të dy banues në Kamzë.

Nga veprimet hetimore ka rezultuar se këta shtetas shpërndanin doza të lëndës narkotike kanabis, në afërsi të shkollave, në Kamzë.

Gjatë kontrollit fizik, shtetasit Xh. K. i janë gjetur 15 doza me lëndë të dyshuar narkotike cannabis sativa, të cilat u sekuestruan në cilësinë e provës materiale”, thueht në njoftimin e policisë.

LEXONI GJITHASHTU: 

• Sekuestrohen tritol e granata dore në një banesë të braktisur në Vlorë
• EMRAT/ Zbulohet “vila e barit” në Fier, arrestohen tre persona
• 9-vjeçari shpëtohet pas 156 orë nën rrënoja, kërkesa për futbollistin e Gallatasaray