Një 34-vjeçar i cili shiste fishekzjarrë dhe kapsolla në dyqanin e tij, në kundërshtim me ligjin, si dhe fshihte të ardhurat e biznesit, është proceduar në gjendje të lirë.
Disa kuti me fishekzjarrë dhe me kapsolla të llojeve të ndryshme, të gjetura në dyqanin e tij janë sekuestruar.
Njoftimi i policisë
Në vijim, janë kryer kontrolle në dyqanin e shtetasit E. S., në lagjen nr. 11, ku janë gjetur disa kuti me fishekzjarrë dhe me kapsolla të llojeve të ndryshme, që shiteshin ilegalisht.
Në përfundim të veprimeve procedurale për rastin, specialistët për Hetimin e Krimeve Ekonomiko-Financiare të DVP Durrës referuan materialet në Prokurori ku filloi procedimi në gjendje të lirë për shtetasin E. S., 34 vjeç, banues në Durrës, si dhe sekuestruan në cilësinë e provës materiale, lëndët piroteknike.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
LEXONI GJITHASHTU:
