Shiste kapsolla dhe mallra kontrabandë, procedohet penalisht 61-vjeçarja në Korçë

Një 61-vjeçare nga Korça është proceduar penalisht pasi shiste kapsolla dhe mallra të kontrabanduara në dyqanin e saj dhe fshihte të ardhurat e përfituara nga kjo veprimtari.

Në dyqanin e gruas u sekuestruan kuti me kapsolla dhe paketa me cigare, pa pullë fiskale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Njoftimi i policisë

Si rezultat, në lagjen nr. 1, Korçë, gjatë kontrollit të ushtruar në dyqanin e një shtetaseje, u gjetën disa kuti me kapsolla dhe paketa me cigare pa pullën fiskale, të cilat u sekuestruan në cilësinë e provës materiale.

Në vijim të veprimeve procedurale, specialistët për Hetimin e Krimeve Ekonomiko-Financiare të DVP Korçë referuan materialet në Prokurori ku filloi procedimi në gjendje të lirë për shtetasen F. M., 61 vjeçe, banuese në Korçë, për veprat penale “Ruajtja ose depozitimi i mallrave kontrabandë” dhe “Fshehja e të ardhurave”.

LEXONI GJITHASHTU:

• Propozimet e PS/Këshilli i Rregullores miraton masat e reja ndëshkuese për deputetët
• SPAK kërkoi masë arresti, Berisha: Unë mbrojta Parlamentin, ndaj refuzova gjykatën