SPAK kërkoi masë arresti, Berisha: Unë mbrojta Parlamentin, ndaj refuzova gjykatën

Ish-kryeministri Sali Berisha tha në një deklaratë për mediat pas dorëzimit të kërkesës së SPAK në Kuvend ku kërkohej arrestimi i tij, se deri më tani ai ka mbrojtur Parlamentin, ndaj ka refuzuar të paraqitet në gjykatë.

Mos paraqitja e tij në gjykatë ka qenë edhe arsyeja se përse SPAK ka kërkuar në Kuvend që të lejohet aplikimi i masës së sigurisë “arrest shtëpie”, ose “arrest me burg” për deputetin

“Në vitin 2021 Sali Berisha ka dërguar në Parlament, ligjin, nga Edi Rama është pranuar vetëm hetimi për deputetët. Unë nuk kam pranuar urdhrin e Gjkykatës dhe të SKAP-it, sepse ajo tejkalon kushtetutën.

Unë kam refuzuar të zbatojë një urdhër antikushtetues. Sa i përket konsistencës sime ndaj kërkesës sime në vitin 2021 unë i qëndroj, jam që deputetët të mos kenë asnjë privilegj më shumë se qytetarët normal.

Unë deri më tani kam mbrojtur parlamentin, jo Sali Berishën. Por që gjykatësi të thotë që nuk është heqje lire kur të ndalojnë të dalësh jashtë shtetit, kjo është të tallesh me kushtetutën. Do e lexojë shkresën. Unë ligjin që mos të ketë mbrojtje të  veçantë për deputetët e votoj që nesër.

LEXONI GJITHASHTU:

• Berisha nga ceremonia për PD: Cilët kanë qenë vitet më të vështira për demokratët
• SPAK kërkon heqjen e imunitetit për Berishën, zbardhet shkresa drejtuar Kuvendit