Berisha nga ceremonia për PD: Cilët kanë qenë vitet më të vështira për demokratët

Ish-kryeministri Sali Berisha është shprehur se vitet 2013-2021 kanë qenë vitet më të vështira për demokratët.

Komentet Berisha i bëri gjatë fjalës së tij në ceremoninë festive për 33-vjetorin e themelimit të PD-së, ku tha se gjatë drejtimit të Bashës, udhëheqja e PD u shndërrua në udhëheqje pazaresh.

Ai tha se kjo po e çonte këtë forcë politike drejt shuarjes së plotë.

“Kujtoni vitin 1997 sesi u copëtuam, por kujtoni pak pastaj si u ringritëm, u rikthyem dhe ndërmorëm reformat e mëdha. Vitet më të vështira për ju demokratë, kanë qenë vitet 2013-2021.

Shumë që kam takuar thoshin se ne e mbështesim Bashën vetëm prej doktorit. Kjo është realiteti. Nuk duhet të ndalem, por drama që përjeton sot Shqipëria i ka rrënjët nga shndërrimi i udhëheqjes së PD nga një udhëheqje të guximshme dhe idealiste, në një udhëheqje pazaresh.

Kjo po e çonte këtë forcë politike drejt shuarjes së saj morale, drejt shndërrimit në një forcë që nuk duhet të ekzistonte”, tha Berisha.

LEXONI GJITHASHTU:

• Ceremonia për PD, Basha: Një pjesë e jona sillet rrugëve nga frika e drejtësisë
• 33-vjetori i themelimit të PD, Berisha shoqërohet nga e bija në ceremoni