Shit-blerja e votës, ambasadorja e Suedisë ngre shqetësimin në prag të zgjedhjeve

Në një takim me banorët e Paçramit në Shkodër, ambasadorja e Suedisë në Shqipëri, Elsa Hastad shprehu shqetësimin e saj për shit-blerjen e votës në prag të zgjedhjeve të 25 prillit.

Ajo theksoi se duhet të ketë shumë kujdes me fenomenin e shit-blerjes së votës, pasi demokracia ndodhet në një stad shumë të brishtë.

“E vlerësoj demokracinë, jemi këtu në Paçram për të marrë këndvështrimin dhe perceptimin e njerëzve në lidhje me procesin zgjedhor. Nuk flasim për shitblerjen e votës në takime por për pjesëmarrjen e komunitetin në procesin zgjedhor. Është shqetësuese fenomeni i shitblerjes së votës, duhet të keni kujdes sepse stadi në të cilin demokracia ndodhet është shumë i brishtë”, u shpreh ambasadorja.

“Kemi të gjithë një rol por më të rëndësishëm qytetarët por shteti duhet tu sigurojë qytetarëve një proces zgjedhor të mirëfilltë. Nuk dua të komentoj përfshirjen e kandidatëve me të shkuar kriminale në zgjedhje”, përfundoi ajo.

Për zgjedhjet e 25 prillit partitë politike kanë nisur fushatën.

Ndërkohë me vendim të Kolegjit Zgjedhor u vendos edhe për fletën e votimit, e cila do të jetë me numra dhe jo me emra.