Shkaktoi zjarrin e madh në malin e Shashicës, arrestohet 33-vjeçari

Policia e Vlorës ka arrestuar një person me akuzën e zjarrvënies në malin e Shashicës. Në pranga u vu shtetasi Elmaz Fejzaj, 33 vjeç, banues në fshatin Kaninë, Vlorë.

“33-vjeçari dyshohet se ka ndezur zjarr për pastrimin e barërave, në një sipërfaqe toke kullotë në pronësi të tij, në vendin e quajtur “Gryka e Zguros”, në malin e Shashicës, ku si pasojë e përhapjes së flakëve është djegur një sipërfaqe e konsiderueshme, me shkurre dhe bimësi të dendur. Zjarri është përhapur edhe në drejtim të territorit të fshatrave Kaninë dhe Sherishtë”, bëri me dije policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

LEXONI GJITHASHTU:

• Zjarri rrezikon banesat dhe bizneset në Borsh e Piqeras, evakuohen 40 banorë
• Del jashtë kontrollit zjarri në malin e Shashicës, flakët përhapen me shpejtësi