Shkaktoi zjarrin ku u dogjën 1000 ullinj, arrestohet 38-vjeçari (Emri)

Myslim Marku, 38-vjeç është arrestuar këtë të enjte në Shijak.

Ai dyshohet se kaq ndezur një zjarr për të djegur disa shkurre, por flakët janë përhapur më tej dhe për pasojë janë djegur rreth 1000 pemë ulliri.

“Nga zjarri që ndezi ky shtetas, në fshatin Shetel, u dogjën një sipërfaqe toke dhe 1000 pemë ulliri.

Si rezultat i hetimeve dhe veprimeve operacionale të menjëhershme, të kryera nga shërbimet e Policisë, me qëllim përcaktimin e autorësisë së zjarrvënieve, u arrestua shtetasi:

-M. M., 38 vjeç, banues në Shetel, Shijak, pasi dyshohet se ka ndezur zjarr, për të djegur disa shkure, dhe si pasojë e përhapjes së flakëve, janë djegur një sipërfaqe toke dhe 1000 pemë ulliri.

Ndërhyrja e menjëhershme e zjarrfikësve dhe shërbimeve të Policisë, mundësoi neutralizimin e flakëve të zjarrit.

Materialet procedurale i kaluan Prokurorisë së Durrësit, për veprime të mëtejshme, për veprën penale “Shkatërrimi i pronës me zjarr””,-thuhet në njoftimin e policisë.