“Shkarkimi i Metës” në Kuvend, sot seanca e parë pas zgjedhjeve, diskutohet nisma e PS-së

Kuvendi mblidhet sot në seancën e parë plenare, pas zgjedhjeve të 25 prillit dhe çështja kryesore që pritet të diskutohet është nisma e Partisë Socialiste për shkarkimin e presidentit, Ilir Meta.

Sipas maxhorancës, kreu i shtetit ka shkelur nenin 90 të Kushtetutës.

Në materialin prej 41 faqesh theksohet se me mesazhet e dhëna në publik, Meta nuk ka garantuar unitetin kombëtar, nuk ka moderuar konfliktin politik, por përkundrazi e ka nxitur atë.

Në seancën e sotme diskutohet edhe dekreti i kreut të shtetit që ktheu ligjin për sigurimin e detyrueshëm në sektorin e transportit.

Socialistët ka mbledhur 50 firma deputetësh për ngritjen e një komisioni hetimor për shkarkimin e presidentit, kërkesë e cila është depozituar në Kuvend të premten.

Mazhoranca synon që ta mbyllë të gjithë procedurën e shkarkimit të presidentit, brenda korrikut.

Kjo është hera e dytë që shumica socialiste kërkon të shkarkojë presidentin Ilir Meta.

Lexoni gjithashtu:

PS mbledh 50 firma të deputetëve për të shkarkuar presidentin Meta

Shkarkimi i presidentit, Balla: Kemi fakte, Meta: Mos u merrni me shashka