Shkarkohet kryetarja e Kuvendit të Preshevës

Kuvendi Komunal i Preshevës, ka shkarkuar nga funksioni i kryetares Ardita Sinanin, e cila bën pjesë në Partinë për Veprim Demokratik.

Shkarkimi i saj, u realizua me 20 vota pro nga 38 që ku Kuvend, teksa 18 këshilltarë të tjerë nuk morën pjesë në votim, raporton Kosova Press.

Sinani ishte zgjedhur në krye të Preshevës në maj të vitit 2021, pas një koalicioni midis PVD-së, PDSH-së dhe LR-së.

Lidhur me shkarkimin saj, reagoi edhe kryeministri i Kosovës Albin Kurti. Gjatë një takimi që pati ditën e sotme me përfaqësues të Luginës së Preshevës, Kurti u shpreh kundër shkarkimit të Ardita Sinanit, duke deklaruar se faktori politik shqiptar nuk duhet të jetë i përçarë.

LEXONI GJITHASHTU

• Serbia bëri spastrim etnik administrativ në Luginën e Preshevës, thotë Kurti
• Pretendonin 3 mandate, shqiptarët e Preshevës mund të mbesin pa përfaqësim