Shkëlzen Berisha flet nga protesta e opozitës

Shkëlzen Berisha, djali i kreut të Partisë Demokratike Sali Berisha ishte pjesë e protestës së PD që po zhvillohet para Kryeministrisë.

Gazetarja e Euronews Albania Eksiola Shehu e pyeti Berishën se cila ishte arsyeja që ai ishte bërë pjesë e kësaj proteste dhe cilat ishin shqetësimet e tij.

Berisha u duk i bezdisur nga kamera, ndërsa u përgjigj se ishin të njëjtat arsye për të cilat po protestonin edhe qytetarët e tjerë.

Ai refuzoi të përgjigjej më tej duke thënë se nuk dëshironte të vijonte më tej intervistën.

Opozita organizon sot protestën e katërt, në atë që e ka paralajmëruar prej kohësh se do të jetë një “stinë” protestash kundër qeverisë.

Mbi 1500 efektivë policie do të jenë në terren për të siguruar mbarëvajtjen e kësaj proteste. Në ndihmë të efektivëve të policisë do të vihen edhe efektivë të forcave Speciale RENEA, si Forcat e Ndërhyrjes së Shpejtë, për të menaxhuar turmën e protestueseve në rast të një skenari të dhunshëm.

LEXONI GJITHASHTU:

• Alimehmeti nga protesta e opozitës: Do t’i luftojmë këto “viruse” në çdo institucion
• “Tigri, tigri, pastruesja bën kërdinë”- Pankartat pikante nga protesta e opozitës