Shkencëtarët pretendojnë se kanë gjetur shenja jete në një planet tjetër
Shkencëtarët pretendojnë se kanë zbuluar prova të reja që mund të tregojnë praninë e jetës në një planet të largët jashtë sistemit tonë diellor.
Bëhet fjalë për K2-18b, një planet që ndodhet rreth 120 vite dritë larg Tokës dhe është rreth dy herë e gjysmë më i madh se planeti ynë.
Sipas një studimi të fundit nga një ekip shkencor i Universitetit të Cambridge, në atmosferën e K2-18b janë zbuluar molekula që në Tokë prodhohen nga organizma të gjallë, si sulfiti i dimetilit dhe disulfiti i dimetilit.
Këto substanca kimike, në planetin tonë, prodhohen kryesisht nga fitoplanktoni dhe bakteret.
Zbulimi është bërë përmes teleskopit të fuqishëm hapësinor James Webb, i cili analizoi dritën që kalon përmes atmosferës së planetit ndërsa ai kalonte përpara yllit të tij. Kjo është hera e dytë, por më bindëse, që sinjale të tilla dallohen nga një teleskop.
“Kjo është prova më e fortë që atje mund të ketë jetë. Nëse gjithçka shkon sipas planit, brenda 1-2 viteve mund të kemi konfirmim përfundimtar ” u shpreh drejtuesi i studimit.
K2-18b rrotullohet rreth një ylli të ftohtë të kuq dhe ndodhet në një zonë të banueshme, ku mund të ekzistojë ujë në formë të lëngshme, një element kyç për jetën.
Nëse këto sinjale konfirmohen si të ardhura nga organizma të gjallë, atëherë jeta mund të mos jetë një fenomen i rrallë në galaktikë, por diçka shumë më e zakonshme sesa kemi menduar deri tani.
LEXONI GJITHASHTU:
Dyshime për korrupsion me biletat dhe ftesat VIP gjatë Evropianit, hetuesit gjermanë bastisin zyrat e Federatës së Futbollit
Bisedimet SHBA-Iran, ndërmjetësuesit: Negociatat do të rifillojnë pas funeralit të Ajatollah Ali Khamenei
Përfshihet nga zjarri një spital në Gjermani, dy të vdekur dhe 34 të plagosur (VIDEO)
- 13:29 Lihen në burg 2 autorët për plagosjen e Brian Syzos në Pogradec
- 13:19 Momenti kur protestuesit thyejnë me gurë dhe sende të forta xhamat e automjetit të policisë (VIDEO)
- 13:13 Tentuan të kalojnë gardhin metalik, policia shoqëron persona të tjerë
- 13:05 Përplasje të forta te Pedonalja, shoqërohet edhe një person tjetër
- 12:59 Përshkallëzohet protesta para Parlamentit, qëllohet me sende të forta drejt efektivëve. Shkatërrohen disa makina policie
- 12:50 Tensionohet situata para Parlamentit, policia shpërndan me ujë protestuesit