Shkëndija shkëlqen ndaj Steauas në Champions, Ballkani dominon në Conference League

Skuadrat shqiptare vijojnë me paraqitje pozitive në arenën evropiane. Shkëndija e Tetovës arriti një fitore historike në raundin e dytë kualifikues të Champions League, duke mposhtur 1-0 kampionët e Rumanisë, Steaua Bukuresht (FCSB), në një ndeshje të zhvilluar në Maqedoninë e Veriut.

Kundërshtari i së martës, një klub me histori të gjatë evropiane – fitues i Kupës së Kampioneve në vitin 1986 – u dorëzua përballë ekipit të drejtuar nga Jeton Beqiri.

Pas një pjese të parë pa gola, Shkëndija gjeti rrugën drejt rrjetës në të dytën, me një gol të bukur nga Alhassan.

Edhe pse Steaua pati më shumë iniciativë në pjesën e parë, vendasit reaguan fort në fraksionin e dytë dhe ruajtën avantazhin deri në fund.

Ndeshja u shoqërua edhe me dy kartonë të kuq – Qaka për Shkëndijën dhe Tanase për Steauan.

Ballkani bind, Drita ndalet

Ballkani nga Suhareka mori një fitore të lehtë në raundin e dytë të Conference League, duke mposhtur 4-2 maltezët e Florianas.

Golat për ekipin e Shehit u shënuan nga Tolaj dhe Adetunji me nga një dopietë. Për miqtë realizuan Grech dhe Jah.

Ndërkohë, Drita e Gjilanit zhvilloi një ndeshje dinjitoze ndaj Kopenhagenit, por nuk arriti të mbante ritmin deri në fund.

Pjesa e parë u mbyll pa gola, ndërsa në të dytën danezët fituan 2-0 me dy penallti të realizuara nga Matsson.

LEXONI GJITHASHTU: 

• FIFA gjobit FSHF-në për ndeshjen Shqipëri-Serbi
• Real Madrid “bekon” Mbappe-në, francezi i shpall “luftë” Lamine Yamal