Shkodër| Kanosi me armë një 30-vjeçar gjatë një konflikti, shpallet në kërkim autori

Pasditen e kësaj të marte, burime bëjnë me dije se rreth orës 19:20, shtetasi me iniciale R. P., 30 vjeç, ka njoftuar Sallën Operative të Drejtorisë Vendore të Policisë Shkodër se, gjatë një konflikti të çastit, ka qenë i kanosur me armë zjarri nga një shtetas.

Menjëherë pas marrjes së njoftimit, shërbimet e Policisë kanë mbërritur në vendngjarje dhe kanë filluar hetimet. Gjatë veprimeve të kryera, është bërë e mundur identifikimi i autorit të dyshuar dhe shpallja në kërkim e tij. Shtetasi me iniciale Gj. S., 33 vjeç, është autori i dyshuar për kanosjen me armë.

Policia vijon punën për kapjen e autorit dhe zbardhjen e rrethanave të ngjarjes.

LEXONI GJITHASHTU:

• Vdekja e 3-vjeçarit në Shkodër, analiza e mjekut ligjor: Nuk ka shumë elementë që…
• Emri/ Një i vrarë nga të shtënat me armë zjarri në Laç, çfarë thotë policia