Shkon në 145 numri i viktimave nga përmbytjet në Tajlandë

Numri i të vdekurve nga përmbytjet në Tajlandën jugore është rritur në 145, tha zëdhënësi i qeverisë Siripong Angkasakulkiat.

Rreth një milion familje dhe më shumë se tre milionë njerëz u prekën nga shirat e rrëmbyeshëm që përmbytën 12 provinca jugore ditët e fundit, raportoi AP.

Autoritetet presin që niveli i lumenjve të bjerë nën nivelet kritike në të gjitha zonat deri në mbrëmje.

Kryeministri tajlandez Anutin Charnvirakul shpalli më parë gjendje të jashtëzakonshme në Songkhla, duke vënë në dukje “ashpërsinë e paparë” të përmbytjeve që goditën edhe qytetin më të madh të Tajlandës jugore, Hat Yai.

Për shkak të mbingarkesës së Spitalit të Qytetit Hat Yai, Ministria e Shëndetësisë ka ngritur tetë spitale të përkohshme fushore.

Njëzet nga pacientët më rëndë u transferuan me helikopter dhe furnizime shtesë me ushqim iu dorëzuan stafit mjekësor dhe pacientëve.

LEXONI GJITHASHTU:

• Përmbytjet në Tajlandë, familja prish çatinë e shtëpisë për të shpëtuar nga mbytja
• E mitura humb fëmijën pasi u dhunua nga nëna, arrestohet shqiptarja në Greqi