E mitura humb fëmijën pasi u dhunua nga nëna, arrestohet shqiptarja në Greqi

Një 35-vjeçare shqiptare është arrestuar nga autoritetet greke pasi dyshohet se ka dhunuar vajzën e saj të mitur. Vajza 14-vjeçare mësohet se ishte shtatzënë dhe për shkak të dhunës ka humbur fëmijën.

Mediat greke raportojnë se vajza u rrah brutalisht nga nëna e saj, duke rezultuar në abort spontan. Vajza mësohet se është paraqitur në komisariatin e policisë me fetusin në një qese.

Ngjarja u regjistrua të enjten në Menidi kur oficerët e policisë arrestuan nënën 35-vjeçare për lëndime të rënda trupore dhe dhunë në familje. Vajza po mbahet në Departamentin e Fëmijëve pas një urdhri të prokurorit.

LEXONI GJITHASHTU:

• Merz: Marrëveshja për asetet e ngrira ruse është gjithnjë e më urgjente
• IDF gjen trupat e 9 anëtarëve të Hamasit brenda një tuneli në Rripin e Gazës