IDF gjen trupat e 9 anëtarëve të Hamasit brenda një tuneli në Rripin e Gazës

Ushtria izraelite, IDF njoftoi këtë të premte se ka gjetur trupat e 9 anëtarëve të Hamasit, të cilët u vranë së fundmi në operacionet e saj për të eliminuar rrjetin e tuneleve në Rripin jugor të Gazës. Ushtria izraelite thesksoi se gjatë operacioneve në Rafah gjetën nëntë terroristë të tjerë që ishin neutralizuar brenda infrastrukturës nëntokësore.

“Deri më tani, më shumë se 30 terroristë që u përpoqën të shpëtonin përmes këtyre tuneleve janë neutralizuar në zonën e Rafah,” shtoi ushria.

Sipas kushteve të armëpushimit të arritur midis Izraelit dhe Hamasit, i cili hyri në fuqi më 10 tetor, ushtria izraelite u tërhoq përtej “vijës së verdhë” brenda Gazës, që do të thotë se ajo ende kontrollon më shumë se 50% të enklavës palestineze.

SHBA-të, Katari, Egjipti dhe Turqia po punojnë për”një kompromis që do t’u lejonte luftëtarëve të Hamasit të tërhiqeshin nga tunelet pas vijës së verdhë, pranë Rafah.

Sipas një zyrtari të Hamasit në Gaza, 60 deri në 80 luftëtarë të organizatës palestineze mbeten në tunelet nën Rafah. Armëpushimi mbetet i brishtë, me të dyja palët që akuzojnë njëra-tjetrën për shkelje çdo ditë, ndërsa Rripi i Gazës, i shkatërruar nga operacionet ushtarake izraelite, mbetet i zhytur në një krizë të rëndë humanitare.

LEXONI GJITHASHTU:

• Dita e Pavarësisë, UEFA uron Shqipërinë: Komb i apasionuar pas futbollit
• 70-vjetori i lindjes së Adem Jasharit,Rama: U kthye në flamur i lirisë dhe krenarisë