Numri i të vdekurve në Pakistan ku një tren doli nga shinat ka shkuar në 30 ndërsa dhjetra të tjerë janë lënduar.

Rasti është konfirmuar nga një zëdhënës i policisë pakistaneze, duke shtuar se mbi 100 të tjerë kanë mbetur të plagosur.

Pasagjerët e plagosur u dërguan në spitalet aty pranë. Ekipet e shpëtimit po përpiqen të nxjerrin njerëzit nga rrënojat, shkruan BBC, transmeton Klankosova.tv.

Aksidentet në sistemin e vjetër hekurudhor të Pakistanit nuk janë të rralla.

Ministri i Hekurudhave Saad Rafiq tha se hetimet fillestare treguan se treni po udhëtonte me shpejtësi normale dhe ata po përpiqeshin të përcaktonin se çfarë çoi në daljen nga shinat.

Një zëdhënës i hekurudhave në Karaçi tha se të paktën tetë vagonë dolën jashtë binarëve.

LEXONI GJITHASHTU:

• Treni del nga shinat, 22 të vdekur dhe 50 të lënduar në Pakistan
• “Çeço fest“ gjallëron Gjirokastrën turistike, shtohen turistët e moshave të reja