‘Shmangni tensionet në Mesdhe’, mesazhi i Macron për Erdogan

Presidenti francez Emmanuel Macron i bëri thirrje sot presidentit turk Rexhep Tajip Erdogan, me të cilin u takua në margjinat e samitit të Grupit 20 (G20) në Bali, Indonezi, që të shmangë çdo tension në Mesdheun lindor.

Gjatë takimit u diskutua për Ukrainën, ku Emmanuel Macron shprehu shqetësimin e tij të madh në lidhje me zgjedhjet e Rusisë.

Mësohet se dy presidentët kanë ripërsëritur nevojën për të respektuar integritetin territorial dhe sovranitetin e Ukrainës.

Lidhur me çështjen e eksportit të grurit ukrainas të dy presidentët ranë dakord që në interes të sigurisë globale të ushqimit, eksportet duhet të vazhdojnë si përmes Detit të Zi ashtu edhe përmes lumenjve evropianë, shkruajnë mediat e huaja. 

Presidenti francez theksoi gjithashtu se ai po mbështet në ndihmën e Turqisë për t’u marrë me çdo përpjekje për të shmangur sanksionet e vendosura nga Bashkimi Evropian kundër Rusisë dhe Bjellorusisë.

Gjithashtu presidenti francez i shprehu ngushëllimet e tij presidentit Erdogan dhe  popullit turk për sulmin terrorist në Stamboll dhe siguroi palën turke se Franca e mbështet atë në luftën kundër terrorizmit.

LEXONI GJITHASHTU: 

• ‘Rilindje’, partia e Emmanuel Macron ndryshon zyrtarisht emrin
• Atentati në Stamboll, autoritetet: Akt terrorist, Erdogan premton ndëshkim
• A do takohen Erdogan e Mitsotakis? Turqia e Greqia marrin pjesë në forumin në Pragë