Shoqata e Transportit kërkon rritjen e çmimit të biletës: Në gusht s’ka abone

Shoqata e Transportit Urban ka kërkuar ndërhyrjen e menjëhershme të shtetit për vijimin e paketës antikrizë ose në të kundërt rritjen e çmimit të biletës për të bërë të mundur shërbimin qytetas.

Në letrën drejtuar Bashkisë Tiranë Shoqata e Transportit rendit vështirësitë me të cilat po përballet sektori, që nga shpërthimi i pandemisë e më tej lufta në Ukrainë dhe rritja e çmimit të karburantit që e bën të pamundur nga ana e tyre ofrimin e shërbimit.

Në kërkesën e shoqatës thuhet se për muajin gusht nuk do të ofrohen abone.

“Sot, në ditën e paraqitjes së kësaj kërkese, në prag të fillim muajit gusht, në emër të të gjithë operatorëve të këtij shërbimi ju konfirmojmë se, në mungese të subvencionimit të menjëhershme ato, për arsye të gjendjes financiare të krijuar e kane te pamundur tërheqjen pranë organit tatimor dhe shpërndarjen e biletave të pajtimit mujor për muajin gusht. Me rezervat e gjendjes se karburantit të akumuluar mund ta ofrojmë këtë shërbim deri ne datat 30-31 korrik 2022, për më tej vazhdimësia mbetët e ndërvarur nga subvencioni shtetit”, thuhet në letër.

LEXONI GJITHASHTU:

• Tkurret sasia e mallrave të përpunuar në porte, rritet transporti i pasagjerëve
• Grevat dhe vonesat në aeroporte çorodisin transportin ajror në BE