Shoqatat islame protestë para KMSH, kundër gylenistëve dhe shtetit bektashi

Përpara Komunitetit Mysliman ka nisur një protestë me sloganin “Jo në emrin tim”.

Sipas organizatorëve, protesta është thirrur në mbështetje të Palestinës dhe për të dënuar takimin e nënkryetarit të Komunitetit Musliman me presidentin e Izraelit.

Gjithashtu, në protestë do të dënohet propozimi i fundit për ngritjen e një shteti islam bektashian brenda Shqipërisë.

Protesta do të organizohet nga disa shoqata islame dhe të shoqërisë civile, përfshirë: Mexhlis, TUMED, Thirrja në Mirësi, Unioni Shqiptar i Teologëve, Palestina e Lirë dhe Qendra për Kulturën Islame Evropiane.

Forca të shumta policie kanë rrethuar godinën e KMSH me qëllim mbarëvajtjen e protestës, mes tyre edhe drejtori i policisë së Tiranës, Tonin Vocaj.