Shpallen qytetet më të gjelbra në botë
“Resonancë”, një kompani amerikano-kanadeze, analizon të dhënat e qyteteve botërore, si cilësia e ajrit, numri i parqeve dhe transporti publik, dhe i rendit sipas atyre që janë më të gjelbërta.
Në vitin 2020, qyteti më i gjelbërt është shpallur Vjena, kryeqyteti i Austrisë.
“Vendlindja e modernizmit është plot me ide për transportin dhe parqet publike”, thotë raporti i renditjes.
“Ky angazhim maksimal vjen nga një histori e gjatë planifikimi urban metodik, që i ka dhënë botës që nga parku i frymëzuar nga lulishtet angleze, i quajtur “Parku i Qytetit”, (i hapur në vitin 1862), e deri te parku kombëtar jashtë qytetit, “Nationalpark Dnoau Auen”.
Por kryeqyteti austriak lëvdohet edhe për transportin publik, që përdoret nga gjysma e popullsisë gjatë gjithë vitit.
“Vjena është unike, me 50% të sipërfaqes të qytetit të mbjellë me gjelbërim. Sigurisht, parqet nuk janë shpërndarë në mënyrë të drejtë”, tha zv/kryebashkiaku i Vjenës për Euronews.
“Prandaj, gjatë kësaj pandemie, po shtojmë korsi për biçikleta dhe rrugë për këmbësorë. Them se kjo është shumë e rëndësishme. S’e kanë të gjithë fatin që të kenë një park jashtë shtëpisë”, shton ai.
Këto janë qytetet më të gjelbërta në botë, sipas Resonance:
1. Vjenë, Austri
2. Mynih, Gjermani
3. Berlin, Gjermani
4. Madrid, Spanjë
5. Sao Paulo, Brazil
6. Mançester, Mbretëri e Bashkuar
7. Lisbonë, Portugali
8. Singapor
9. Amsterdam, Holandë
10. Uashington D.C., SHBA
Inteligjenca artificiale kthehet në “asistent blerjesh” online
Studimi: Arti dhe kultura mund të ngadalësojnë plakjen biologjike
“Jam goca që thyen kockat”, akrobatja 17-vjeçare: Më thonë a ke hequr brinjët!
- 22:53 Ministri izraelit i Financave: Ushtria po thellon shkatërrimin e infrastrukturës në Liban
- 22:39 Rama poston videon nga Banjat e Bënjës: U tentua të krijohej një vatër e re nxitjeje, fitoi e vërteta
- 22:27 Eurodeputetja në Tiranë tha se Evropa është në Shqipëri, deputetja Ekonomi: Po, se ne jemi duke punuar për të hyrë në BE
- 22:18 Trump: Do të emëroj Lance Schroyer si drejtor të ICE, Senati duhet ta konfirmojë menjëherë
- 22:02 Ministri Ben-Gvir kritikon marrëveshjen Izrael-Liban: Një gabim i madh
- 21:45 Përfundojnë fjalimet përpara Kryeministrisë, me pankarta dhe flamuj në duar qytetarët nisin marshimin në kryeqytet