Shpallet në kërkim kandidati për Drejtor i Përgjithshëm i Policisë

Një nga kandidatët që garon për postin e Drejtorit të Përgjithshëm të Policisë së Shtetit, është shpallur në kërkim.

Hajrulla Xhivini është shpallur në kërkim pasi ka thyer masën e sigurisë “arrest në shtëpi” dhe është larguar jashtë vendit.

Xhivini është arrestuar nga uniformat blu të Tiranës për “ Veprime të turpshme” në publik pasi u filmua teksa urinonte në hyrje të Gjykatës së Lartë.

Ai gjithashtu postonte video në TikTok përmes të cilave kërcënonte ish-drejtorin e përgjithshëm të Policisë së Shtetit, Muhamet Rrumbullaku. Dyshohet se ka kërcënuar edhe gjykatës në Fier.

Më poshtë mund të lexoni emrat e gandidatëve në garën për Drejtor i Përgjithshëm i Policisë të publikuar ditën e djeshme nga Ministria e Brendshme:

• Adriatik Tafçiu
• Altin Mena
• Ardian Çipa
• Gentjan Shehaj
• Hajrulla Xhivini
• Ibrahim Disha
• Idajet Faskaj
• Ilir Proda
• Lutfi Minxhozi
• Neritan Nallbati
• Pëllumb Seferi
• Rebani Jaupi
• Sami Rasha
• Shemsi Prençi
• Skënder Hita

Kushtet të cilat duhet të plotësonin këta kandidatë ishin këto:

a) mban njërën nga gradat e rolit të mesëm drejtues;

b) të ketë shtetësi shqiptare;

c) të mos ketë qenë i dënuar për kryerjen e një vepre penale, me vendim gjyqësor të formës së prerë;

ç)  të mos ketë marrë masat disiplinore të përcaktuara në shkronjat “c”, “ç” dhe “d” të pikës 1 të nenit 123 të ligjit 82/2024 “Për Policinë e Shtetit”, brenda 5 (pesë) vjetëve të fundit;

d) të jetë në kushte shëndetësore që e lejojnë të kryejë detyrën përkatëse.

dh) të mos ketë konflikt interesi në ushtrimin e detyrës, në përputhje me legjislacionin për konfliktin e interesit.

LEXONI GJITHASHTU:

• Zbardhen emrat e kandidatëve për Drejtor të Përgjithshëm të Policisë së Shtetit
• Hetimi për themeluesin e Telegram, ja shuma që do të depozitojë si garanci pasurore