Shpërndanin kokainë dhe kanabis, arrestohen 2 të rinj në Tiranë

Policia e Tiranës ka goditur dy raste të shpërndarjes së lëndëve narkotike në doza dhe ka arrestuar 2 persona.

Specialistët e Hetimit të Krimit të Komisariatit Nr. 1 dhe 4 në bashkëpunim me Seksionin për Hetimin e Narkotikëve kanë vënë në pranga shtetasin K. B., 24 vjeç, banues në Tiranë, pasi nga kontrollet në automjet dhe në banesën e 24-vjeçarit, shërbimet e Policisë sekuestruan sasi lënde narkotike kanabis sativa e ndarë në doza të gatshme për shitje. Nga hetimet dyshohet se ky shtetas ndante sasi lënde narkotike kanabis sativa, në doza, në banesë, dhe më pas i shpërndante me automjet.

Gjithashtu u arrestua shtetasi Q. Z, 25 vjeç, banues në Durrës, pasi gjatë kontrollit në mjetin me të cilin ky shtetas qarkullonte, iu gjet dhe iu sekuestrua një sasi lëndë narkotike kokainë, e ndarë në doza.

Materialet iu dërguan Prokurorisë së Tiranës, në ngarkim të këtyre shtetasve, për veprën penale “Prodhimi dhe shitja e narkotikëve”.

LEXONI GJITHASHTU:

• Drogë me postë nga SHBA në Shkodër e Tiranë/ Arrestohen marrësit, në kërkim pritësit
• Po trafikonin emigrantë drejt vendeve të BE, arrestohen 2 sirianë në Kapashticë