Shpërndante kanabis me makinë, arrestohet në flagrancë 22-vjeçari në Shkodër

Një 22-vjeçar në qytetin e Shkodrës u arrestua në flagrancë, pasi po lëvizte me automjetin e tij për të shpërndarë kanabis.

Gjatë kontrollit të policisë atij iu sekuestruan dozat e lëndës narkotike, automjeti dhe celulari i të arrestuarit.

Njoftimi i policisë

Si rezultat i administrimit të shpejtë të inteligjencës policore, të siguruar në vijim të megaoperacionit “Tempulli”, se një shtetas shiste lëndë narkotike cannabis sativa, në doza, në lagje të ndryshme të Shkodrës, specialistët e Seksionit për Hetimin e Narkotikëve të Drejtorisë Vendore të Policisë Shkodër, në bashkëpunim me shërbimet e Forcës së Posaçme “Shqiponja”, kapën në flagrancë këtë shtetas.

Konkretisht, u vu në pranga shtetasi Y. D., 22 vjeç, banues në Shkodër.

22-vjeçari u arrestua në bulevardin “Bujar Bishanaku”, teksa lëvizte me një automjet tip “Benz”, për të shpërndarë doza të lëndës narkotike cannabis sativa, në lagje të ndryshme të qytetit të Shkodrës.

LEXONI GJITHASHTU:

• 19 plumba drejt “Okit”, detajet nga ekzekutimi mafioz i bosit shqiptar të bixhozit
• SHBA| Të moshuarit gjenden të vdekur në banesë, temperatura arriti 538 gradë Celsius