Shpërndante kokainë në Tiranë, arrestohet Erald Shullazi

Policia e Tiranës ka arrestuar një të ri në kuadër të operacionit të koduar “Collaboration”, pasi ky i fundit akuzohet se shpërndante kokainë në kryeqytet.

Në pranga është vënë shtetasi Erald Shullazi, 30 vjeç.

Policia sekuestroi dhjetëra doza kokainë, gati për shitje, rreth 90 gram sasi lënde e dyshuar narkotike kokainë në proces për t’u ndarë në doza, si dhe një peshore elektronike.

“Në Unazë të Re, shërbimet e Policisë kanë lokalizuar dhe ndaluar automjetin me drejtues shtetasin Erald Shullazi. Gjatë kontrollit në automjet, u gjet dhe u sekuestrua sasi lënde e dyshuar narkotike kokainë, e ndarë në doza. Në vijim të veprimeve, gjatë kontrollit të banesës dhe të ambientit ku punonte 30-vjeçari, u gjetën sasi lënde e dyshuar narkotike kokainë, një pjesë e ndarë në doza, gati për shitje, dhe një peshore elektronike, të cilat u sekuestruan në cilësinë e provës materiale. Nga hetimet ka rezultuar se ky shtetas, pasi siguronte lëndë narkotike, e shpërndante atë në doza, në zona të ndryshme të Tiranës, kryesisht në Unazë të Re”, tha policia.

LEXONI GJITHASHTU:

• Aksidentoi të miturën dhe u largua nga vendngjarja, arrestohet 35-vjeçari
• 33 mijë euro të padeklaruara në port, sekuestrohen paratë, arrestohet 35-vjeçari