Shpërthen bombola e gazit në një banesë në Fier, 2 të plagosur

Dy persona kanë mbetur të plagosur pas shpërthimit të një bombole gazi në Fier. Policia tha se ngjarja ndodhi rreth orës 18:30, në lagjen “1 Maji”, Fier, në një banesë, ku dyshohet se aksidentalisht ka marrë zjarr një bombol gazi.

Për pasojë kanë pësuar djegie në trup shtetasit E. T., 63 vjeç dhe A. R., 41 vjeç, të dy banues në Fier, të cilët ndodhen në spital, për asistencën e nevojshme mjekësore, aktualisht jashtë rrezikut për jetën.

Grupi hetimor ndodhet në vendin e ngjarjes dhe po kryen verifikimet hetimore për sqarimin e plotë të rrethanave të rastit.