Shpërthim me lëndë plasëse në një banesë në Lezhë

Një shpërthim me lëndë plasëse ka ndodhur në një banesë në qytetin e Lezhës.

Policia bën me dije se ngjarja ka ndodhur rreth orës 02:00 të mëngjesit të së hënës, në fshatin Ungrej, në verandën e një banese.

Burime për Euronews Albania bëjnë me dije se banesa është në pronësi të ish-kryeplakut të fshatit Preng Gjoni.

Si pasojë e shpërthimit nuk raportohet për persona të lënduar, por vetëm për dëme materiale.

Policia po ushtron kontrolle në terren dhe në ambiente të dyshuara, për gjetjen dhe arrestimin e autorit ose autorëve.

Nuk dihen ende motivet e kësaj ngjarjeje të rëndë, por pritet puna e grupit hetimor për të hedhur më shumë dritë mbi ngjarjen.

LEXONI GJITHASHTU: 

• Plagosje me thikë në Vorë, në spital një 45-vjeçar
• Vrasja gabimisht e banakieres në Tiranë, shpërthen i biri: Mallkuar qofshin!
• Ekskluzive/ Flet babai i të plagosurit: Djali po pinte kafe në lokal, mori dy plumba