Shpërthim në qendër të Tokios, të paktën tre të plagosur 

Të paktën tre persona u plagosën sot nga një shpërthim në një ndërtesë në qendër të Tokios, tha policia, raporton agjencia Kyodo.

Fotot dhe videot e postuara në rrjetet sociale tregojnë një zjarr në katin e dytë të ndërtesës dhe copa xhami të shpërndara në rrugë, sipas televizionit kombëtar NHK.

Reuters raporton se dëshmitarët thanë se kishin ndjerë erë gazi para shpërthimit, duke shtuar se zjarri nuk duket se ishte përhapur.

Shpërthimi ka ndodhur në një pjesë të qytetit ku ndodhen zyra të shumta biznesi dhe restorante.

LEXONI GJITHASHTU:

• Dy avionë përplasen në aeroportin e Tokios
• Kumbaro nga Tokio: Duam të tërheqim turistë japonezë, shpenzojnë shumë