Re të trasha tymi po ngrihen nga kryeqyteti libanez pas shpërthimeve të shumta, sipas dëshmitarëve nga agjencia e lajmeve Reuters.

Sipas mediave të huaja, të paktën 25 persona janë vrarë në sulmet ajrore izraelite në Liban sot, sipas ministrit të Shëndetësisë së vendit.

Më herët u raportua se një sulm vrau nëntë anëtarë të një familjeje, duke përfshirë katër fëmijë, në qytetin kufitar të Shebaa, tha kryetari i bashkisë Mohammad Saab për Reuters.

Izraeli ka vazhduar sulmet ndaj objektivave të Hezbollahut, një ditë pasi ministri i tij i Jashtëm refuzoi thirrjet globale për një armëpushim me grupin militant të mbështetur nga Irani.

Kryeministri Benjamin Netanyahu u zotua të vazhdojë të luftojë kundër Hezbollahut në një fjalim në OKB këtë pasdite, pavarësisht presionit për të arritur një marrëveshje që do t’i jepte fund një episodi në konfliktin që ka vrarë më shumë se 700 njerëz në Liban që nga e hëna, sipas autoriteteve të vendit.