Shqetësimi i DASH: Moska po përgatit pushtimin e Kherson

Departamenti Amerikan i Shtetit ka shprehur shqetësimin për shpejtësinë me të cilën po jepet nënshtetësia ruse në rajonet ukrainase të pushtuara nga forcat ruse.

Uashingtoni e sheh këtë lëvizje si një përgatitje për aneksimin e Khersonit dhe Mariupolit.

Sipas zëdhënësit të Departamentit aqmerikan të Shtetit, Ned Price, Moska mund të përpiqet të krijojë një korridor tokësor për në Krime.

“Ne mbetemi të shqetësuar për hapat që ndërmerr Rusia në përpjekje për të institucionalizuar kontrollin mbi territorin sovran të Ukrainës, veçanërisht në rajonin Kherson të Ukrainës. Kremlini ndoshta po peshon disa qasje nga njohja e të ashtuquajturës republikë popullore, siç bëri me forcë në Donetsk dhe Luhansk për të një tentativë aneksimi, siç bëri edhe  në Krime”, shprehet Ned Price.

Në rajonet e pushtuara, mbështetësit e Moskës formuan administrata pro-ruse, njoftuan kalimin e pagesave në rubla dhe organizuan shpërndarjen e kartave SIM të operatorëve rusë të telekomit.

Administrata pro-ruse e Khersonit thotë se ata presin që rajoni të bëhet pjesë e Federatës Ruse në të ardhmen e afërt.

Vendimet kryesore për këtë çështje priten, sipas medias ruse , deri më 12 qershor  kur shënohet Dita e Rusisë.

Më herët autoritetet ukrainase pretenduan fazën aktive të aneksimit de facto rus të Mariupolit.

LEXONI GJITHASHTU:

• Reagimi i Moskës për furnizimin e Ukrainës me raketa nga SHBA-ja
• Mbi 240 fëmijë janë vrarë nga Rusia, thotë kryeprokurori i Ukrainës
• Kush po blen naftë bruto ruse dhe kush e ka ndaluar