Shqipëria dhe i gjithë rajoni pa energji elektrike, bie sistemet e transmetimit

E gjithë Shqipëria ka pësuar një “black out” total, ku energjia elektrike është ndërprerë në të gjithë vendin.

Të gjitha qytetet kanë përjetuar njëherazi një mungesë të energjisë, e cila zgjati për disa minuta.

Burime bëjnë se situata e pazakontë nuk ka përfshirë vetëm Shqipërinë por të gjithë rajonin.

Sipas informacioneve paraprake bëhet me dije se kanë rë sistemet e transmetimit në të gjithë rajonin, përfshirë Greqinë, Malin e Zi dhe Bosnjën.

Në një njoftim në facebook rrjeti i shpërndarjes së Malit të Zi bëri me dije se shkak është bërë një ndërprerje në rrjetin kombëtar të transmetimit dhe i gjithë vendin pësoi mungesë të energjisë elektrike.

“Për shkak të një ndërprerjeje në rrjetin e sistemit të transmetimit të energjisë malazeze, pothuajse e gjithë zona e Malit të Zi është pa energji elektrike”, njoftoi CEDIS në faqen zyrtare në Facebook.

Gjithashtu raportohet se energjia elektrike u shkëput në të gjithë Dalmacinë dhe në pjesën më të madhe të Bosnje dhe Hercegovinës dhe Greqisë.