“Shqipëria që lexon”- Edi Rama shpërndan pamjet nga Panairi i Librit

Kryeministri Edi Rama ka shpërndarë në rrjetin social “Facebook” disa pamje nga atmosfera në ambientet e jashtme të Panairit të Librit që po mbahet në Tiranë.

Teksa në video shihen shumë të rinj të cilët ndodhen në ambientet e panairit, Rama shkruan se është një kënaqësi e veçantë të shohësh kaq shumë të rinj që marrin pjesë në këtë organizim vlerash.

“Atmosferë e bukur në hyrje të Panairit të Librit.

Kënaqësi të shohësh kaq shumë interes në këtë organizim vlerash dhe promovimi të leximit. #Shqipëriaqëlexon”- shkruan kryeministri në facebook.

Paniri i Librit hapi siparin të mërkurën 15 nëntor dhe do të zgjasë deri ditën e hënë 19 nëntor.

Si çdo vit të pranishme me botimet e tyre të reja e të vjetra do të jenë shtëpitë botuese, të cilat të vendosura në stenda në dy katet e Pallateve të Kongreseve, ofrojnë për lexuesit libra me çmime të reduktuara.

Gjithashtu të pranishëm në këtë panair do të jenë disa autorë e përkthyes të huaj si: përkthyesja Ilide Carmignani, shkrimtarja Viola Ardone, shkrimtari Alessio Puleo, futbollisti tashmë edhe shkrimtar Lilian Thurman, etj.