Shqipëria U-21 përballet me Gjermaninë, Bushi vlerëson “panzerat”

Nënkampionët e Evropës, Gjermania janë kundërshtari i radhës për Shqipërinë e 21-vjecarëve, një ndeshje e cila pritet me shumë interes, ndërsa kuqezinjtë duhet të japin maksimumin.

Përgatitjet e zhvilluara në Tiranë kanë vijuar normalisht, ndërsa të gjithë lojtarët janë të gatshëm.

“Kënaqur nga ekipi sepse i gjithë grupi ka qenë shumë mirë fizikisht. Nuk kemi pasur asnjë dëmtim. Na kanë shërbyer shumë këto ditë për të punuar se si do t’i përballojmë nesër gjermanët”, tha Alban Bushi, trajner i Shqipërisë U-21

Bushi ka vlerësuar ekipin kundërshtar, i cili vjen në Elbasan si nënkampion Evrope.

“E dimë që janë nënkampionët e Europës dhe kanë shumë potencial dhe kualitet në gjirin e tyre. Kanë lojtarë që bëjnë diferencën, lojtarë që luajnë në ekipe të mëdha. Jemi munduar që të kemi strategjinë tonë, lojën tone”, u shpreh Bushi.

Tekniku i shpresave kërkon mbështetjen e tifozëve në Elbasan të premten, ku Shqipëria përballet me panzerat, ndërsa 3 ditë më pas është radha e Zvicrës.

LEXONI GJITHASHTU:

• Shqipëria U-21 gati për Gjermaninë, Maksuti e Fetai analizojnë sfidat
• VIDEO/ Zhgënjim në Letoni, Kombëtarja nuk shkon më shumë se barazimi 1-1