Ditën e nesërme në Londër do të mbahet një protestë, për të drejtat e shqiptarëve.

Një prej organizatorëve, emigranti Enkeleid Omi është shprehur për Euronews Albania se protesta vjen pas vetëvrasjes së një shqiptari në një anije azilkërkuesish.

Ai tha se sipas informacioneve jozyrtare që kishte, flitet se në kampet e emigrantëve në Angli, shqiptarët trajtohen në mënyrë ç’njerëzore.

“Protesta e parë është nesër në orën 05:30 te zyrat e Ministrisë së Brendshme në bashkëpunim me një organizatë angleze. Kemi marrë ftesë nga ata që të kemi një bashkëpunim për protestën e nesërme.

Shpresojmë që të ketë sa më shumë shqiptarë që të dëgjohet zëri jonë. Unë nuk kam asnjë detaj për ngjarjen, por nga disa persona që janë tek anija apo në disa kampe të tjera, flitet për një keqtrajtim në mënyrë çnjerëzore. Nuk kanë telefona, lejohen vetëm telefona pa video, jo smartfona.

Flitet që atyre u jepet vetëm një risk burg në drekë dhe çaj në darkë, diçka të vogël në mëngjes. Ku mund të quhet një aushvic i ri në Europë. Kemi folur me disa persona që janë atje, me mesazhe, jo me telefonata. 3 persona janë te anije dhe disa të tjerë janë në kampe të tjera”, tha Omi.

LEXONI GJITHASHTU:

• EMRI/ Trafikoi 500 kg kokainë, 24 vite burg “mbretit” shqiptar të drogës në Londër
• Përplasja e shqiptarëve në Londër me Policinë, avokati zbulon çfarë pritet të ndodhë