Në vitin 2023, 60 mijë qytetarë udhëtuan jashtë vendit për të bërë biznes, duke shënuar një rritje prej afro 50% në numrin e udhëtimeve për qëllime tregtare.
Nga pikat kufitare të vendit dalin çdo ditë mijëra qytetarë shqiptarë, të cilët vizitojnë vende të ndryshme në Evropë e më gjerë. Në vitin 2023, numri i udhëtimeve të banorëve mbi moshën 15 vjeç arriti në 4.4 milion.
INSTAT ka kryer një analizë për arsyet e vizitave jashtë vendit, duke zbuluar se 97.5% e udhëtimeve me biletë kthimi ishin për turizëm, ndërsa 2.5% për arsye biznesi.
Në terma konkretë, 60 mijë udhëtime gjatë vitit të kaluar u kryen për qëllime tregtare ose për marrëveshje të reja biznesi. Kjo shifër përfaqëson një rritje krahasuar me vitin 2022, kur regjistroheshin 40 mijë dalje nga vendi.
Mosha 25-35 vjeç përbën grupmoshën me numrin më të lartë të qytetarëve që udhëtojnë jashtë vendit, me një qëndrim mesatar prej 4 ditësh gjatë vitit të kaluar.
Daljet nga kufijtë shqiptarë janë realizuar përmes makinës, anijes dhe avionit, por rreth 90% e kalimeve u kryen përmes transportit rrugor me mjete private ose autobusë.
Destinacionet më të frekuentuara, sipas fluksit të udhëtimeve, janë Greqia, Italia, Spanja, Anglia dhe Turqia.
LEXONI GJITHASHTU:
- Nga porti i ri te zgjerimi i autostradës Tiranë-Durrës, investimet për vitin 2025
- Buxheti për 2025-ën do të jetë 8.2 miliardë euro: Ulet borxhi, shtohet administrata
