Shqiptari i “Kartelit ballkanik” arrestohet në Valencia, ku priste 1.7 tonë kokainë

Dogana në portin e Valencias dhe policia spanjolle sekuestruan një sasi të madhe kokainë që dyshohet se i përket të ashtuquajturit karteli ballkanik.

1.7 tonë kokainë me vlerë qindra miliona euro u zbuluan në dyshemenë e një kontejneri me fruta ekzotike që vinte nga Ekuadori.

Në pranga ka përfunduar edhe një shqiptar, i cili kishte mbërritur në Spanjë për të mbikëqyrur dorëzimin e drogës.

Identiteti i tij nuk dihet, por sipas autoriteteve doganore dhe policore spanjolle, ai ka trajnime ushtarake dhe njohuri të larta operacionale.

Kjo është ngarkesa e radhës që autoritetet spanjolle i kanë sekuestruar kartelit ballkanik i cili në muajin korrik tentoi në të njëjtën mënyrë të trafikojë 831 kg kokainë.

Hetuesit kanë zbuluar edhe kompanitë e përdorura të cilët rritën importin e frutave ekzotike nga Ekuadori.

LEXONI GJITHASHTU:

• Rreziku nga pijet energjike/ Toksikologia: Varësia e njëjtë si ajo e kokainës
• Marina braziliane kap një rekord 3.6 tonë kokainë në bordin e një anijeje