Shqiptari në Itali godet me çekiç në kokë të dashurin afrikan të ish-partneres

Një 36-vjeçar shqiptar është arrestuar nga policia italiane për tentativë vrasje pasi goditi me çekiç në kokë të dashurin e ish-partneres.

Sipas mediave të huaja, raportohet se 33-vjeçari me origjinë afrikano-verior ka marrë dëmtime të rënda në kokë dhe është shtruar në spitalin e Pratos.

Ngjarja ndodhi ditën e djeshme (28 prill) në një rrugë në periferinë perëndimore të qytetit të Pratos, Itali.

Sipas hetimeve të policisë bëhet me dije se sulmi ka ndodhur vetëm për arsye xhelozie.

Gjatë hetimeve pas arrestimit, Policia rindërtoi skenën e ngjarjes. Ndërsa e reja dhe i dashuri i saj i ri ishin në rrugë, shqiptari sulmoi burrin, duke e goditur me një çekiç në kokë.

Plaga e shkaktuar ishte e rëndë, por jo vdekjeprurëse, aq sa afrikano-veriori i sulmuar mbeti i vetëdijshëm gjatë gjithë kohës. Ai u shpëtua shpejt nga Policia dhe tani ndodhet i shtruar në reanimacionin e spitalit Santo Stefano, në pritje për t’u operuar sot në Careggi.

Ndërkohë shqiptari nga ana tjetër do të duhet të përgjigjet në Gjykatë për akuzën e “vrasjes së mbetur në tentativë”.

LEXONI GJITHASHTU:

• I riu gjeorgjian shkon me thikë dhe çekiç brenda shkollës në Athinë, dy të plagosur
• Sulmohet me çekiç pranë shtëpisë ndihmësi i Alexei Navalnyt