Sulmohet me çekiç pranë shtëpisë ndihmësi i Alexei Navalnyt

Një ndihmës prej kohësh i ish-liderit të ndjerë të opozitës ruse, Alexei Navalny, është sulmuar me çekiç, raporton Reuters.

Sipas mediave të huaja, Leonid Volkov u sulmua në kryeqytetin e Lituanisë, Vilnius, tha Kira Yarmysh, ish-zëdhënëse e Navalnyt.

“Dikush theu një xham të makinës dhe i hodhi gaz lotsjellës në sy dhe më pas sulmuesi filloi ta godiste Leonidin me çekiç”, ka shkruar ajo, duke shtuar se kjo ka ndodhur jashtë shtëpisë së tij.

Policia lituaneze tha se ishte informuar se një burrë ishte rrahur jashtë shtëpisë së tij dhe oficerët po hetonin.

Anëtarët e grupit politik të Navalnyt, Fondacioni Anti-Korrupsion, i cili përfshin z. Volkov, janë zhvendosur në Lituani pasi u larguan nga Rusia.

LEXONI GJITHASHTU:

• Ekspertja e OKB: Rusia është përgjegjëse për vdekjen e Navalnyt
• Mbi 100 të arrestuar për pjesëmarrje në homazhet për Navalnyn