I riu gjeorgjian shkon me thikë dhe çekiç brenda shkollës në Athinë, dy të plagosur

Një ngjarje e rëndë ka ndodhur në Greqi mëngjesin e kësaj të marte, ku një 19-vjeçar ka plagosur një nxënës dhe drejtorin e një shkolle në Athinë.

Mediat greke bëjnë me dije se 19-vje֛ari me origjinë gjeorgjiane shkoi në ambientet e brendshme të shkollë së mesme duke mbajtur në dorë një çekiç dhe një thikë.

Menjëherë ai iu drejtua një nxënësi nigerian të cilin e qëlloi me thikë si dhe u përlesh me drejtorin e këtij institucioni duke e plagosur dhe atë.

Sipas informacioneve paraprake arsyeja e sulmit ka të bëjë me një zënkë që vëllai i agresorit kishte patur me nxënësin nigerian.

Për t’u hakmarrë për të vëllanë, 19-vjeçari vendosi të shkonte në shkollë me thikë dhe çekiç në dorë.

Mediat greke bëjnë me dije se autori është arrestuar, ndërkohë që dy të plagosurit po marrin kujdesin e nevojshëm mjekësor jashtë rrezikt për jetën.

LEXONI GJITHASHTU:

• VIDEO| Momenti kur klienti godet me thikë kuzhinierin shqiptar në Selanik
• Greqi| 25-vjeçari shqiptar rreh me grushta të dashurën dhe hidhet nga ballkoni