‘Shtatori do jetë i nxehtë’, Balliu: Opozita aksion në të gjithë vendin

Shefi Organizativ në Partinë Demokratike, Klevis Balliu thotë se muaji shtator do jetë i nxhetë politikisht, teksa pritet edhe fillimi i protestave nga ana e opozitës.

Në një intervistë për “Euronews Albania”, Balliu u shpreh se opozita do të jetë në aksion të përditshëm në të gjithë territorin e vendit.

“Shtatori, jo nga deklaratat, por më shumë vjen nga nevoja për të qenë i nxehtë. Nevoja për të pasur një opozitë po aq sa denoncuese në skandalet e njëpasnjëshme të qeverisë, po aq sa një opozitë e cila është në një aksion të përditshëm në të gjithë territorin e vendit. SHtatori duhet të jetë fillimi, por vazhdimësia e aktivitetit politik të opozitës, duhet të ketë si mision në radhë të parë përçimin e mesazhit, informimin e qytetararëve për situatën aktuale”, theksoi Balliu.

Sipas Balliut, aksioni për rrëzimin qeverisë së drejtuar nga kryeministri Edi Rama, nuk duhet të jetë vetëm i opozitës, por edhe i qytetarëve shqiptarë.

Balliu nënvizoi se qytetarët nuk janë të kënaqur për faktin që paguajnë taska të larta, çmimin e lartë të naftës, apo edhe mungesën e ujit të pijshëm.

LEXONI GJITHASHTU

• PD para shtatorit, dilema për drejtimin e Grupit Parlamentar dhe çështja në gjykatë
• Kur do të zhvillohet protesta e opozitës? Përgjigjet nënkryetari i PL-së
• Berisha thirrje Bashkimit Evropian: Nisni hetimet për Portin e Durrësit