Shteti Islamik merr përgjegjësinë për bombardimin në Filipine 

Ekstremistët e Shtetit Islamik kanë marrë përgjegjësinë për një sulm me bombë gjatë meshës në Filipine që vrau të paktën katër persona dhe plagosi 50 të tjerë këtë të diel.

Shteti Islamik, i cili ka ndikim në jug të vendit, njoftoi në Telegram se anëtarët e tij shpërthyen bombën, raportoi Reuters.

Presidenti Ferdinand Marcos Jr., përpara se ISIS të merrte përgjegjësinë, dënoi sulmin gjatë meshës dhe fajësoi për të “terroristët e huaj”, ndërsa policia dhe ushtria u ngritën në gatishmëri në jug të vendit dhe rreth kryeqytetit, Manila.

Lideri i Filipineve theksoi se ai gjithmonë do t’i konsiderojë si armiq të shoqërisë filipinase ekstremistët që dhunojnë të pafajshmit.

Në Romë, Papa Françesku u lut për viktimat filipinase gjatë meshës dhe në një mesazh të posaçëm me shkrim kërkoi “Krishti, Princi i Paqes (të) t’i japë të gjithëve forcën për të hequr dorë nga dhuna dhe për të mirën për të kapërcyer çdo të keqe”.

LEXONI GJITHASHTU:

• “Wagner e xhihadistë islamik”- Analisti serb: Mund të ketë seri incidentesh në rajon
• Udhëheqësi i Hezbollahut takohet me zyrtarët e lartë të Hamasit dhe Xhihadit Islamik