Depozitat në lekë, në dhjetor 2023 patën një ecuri pozitive.

Sipas Bankës Qendrore, stoku i kursimeve në monedhën vendase nw fund tw vitit arriti në 579 miliardë lekë.

Kjo është një rritje prej 2.5% më krahasim me muajin e mëparshëm, ose 14 miliardë lekë më shumë.

Edhe në nëntor, kursimet në lekë u zgjeruan ndjeshëm, me rreth 17 miliardë lekë, më e larta që nga dhjetori i vitit 2021.

Në ecurinë pozitive të kursimeve në lekë ndikuan individët, tw cilwt shtuan kursimet e tyre pa afat në banka, e qw sollën 75% të rritjes.  Ndikimi i dytë më i lartë erdhi nga korporatat dhe me bazë vjetore, depozitat u rritën me 5%, ose 27 miliardë lekë më shumë.

Ndërkohë, kursimet në valutë të huaj tregojnë se depozitat në euro nuk shënuan rritje domenethënëse në fundvit, edhe pse stoku i depozitave arriti në 7.3 miliardë euro, niveli më i lartë i regjistruar ndonjëherë.

Nga ana tjetër, depozitat në Dollarë Amerikanë regjistruan rritje gati 5%, duke kapur vlerën e përgjithshme të 753 milionë dollarëve.

LEXONI GJITHASHTU:

• Varësia ndaj euros u thellua, depozitat në lekë më pak se 45 për qind
• Banka e Shqipërisë rrit normën bazë të interesit për kreditë