Varësia ndaj euros u thellua, depozitat në lekë më pak se 45 për qind

Depozitat në monedhë të huaj u rritën me gati 100 milionë euro, ndërsa rritja e depozitave në lekë ishte e papërfillshme.

Nga të dhënat e Bankës së Shqipërisë, depozitat në total u rritën me 141 milionë euro. Rritja e atyre në monedhën vendase është 250 milionë lek, ose 0.5 për qind në krahasim me shtatorin. Kjo rritje u faturohet bizneseve, ndërsa depozitat e qytetarëve pësuan rënie.

Në total, shqiptarët kanë rreth 11 miliardë euro, ku më pak se 44 për qind e tyre janë në lek.

Banka e Shqipërisë ka prezantuar që në fillim të 2018-s një paketë masash për të dekurajuar qytetarët nga përdorimi i euros në ekonomi. Ndërkohë, Guvernatori Gent Sejko ka përsëritur faktin se përhapja e madhe e euros në ekonomi vështirëson ndërhyrjen e bankës me politika frenimi të rritjes së çmimeve.

LEXONI GJITHASHTU:

• Banka e Shqipërisë rrit normën bazë të interesit për kreditë
• Sejko te ‘Ekonomia’: Prioritet masat për garantimin e stabilitetit të çmimeve