Banka e Shqipërisë rrit normën bazë të interesit për kreditë

Guvernatori i Bankës së Shqipërisë, Gent Sejko deklaroi se Këshilli Mbikëqyrës i institucionit, të cilin ai drejton, vendosi që të rrisë normën e interesit të kredisë 1 ditore në 3,25%.

Gjatë një konference për mediat, Sejko theksoi se gjithashtu u vendos rritja e normës së interesit të depozitës 1 ditore në 1,25% dhe normën bazë të interesit me 0,5% duke e çuar në 2,25%.

“Lufta në Ukrainë është burimi kryesor i pasigurisë dhe përshkallëzimi i luftës, mund të çojë në çmime më të larta të mallrave, ndërprerje të zinxhirëve të furnizimit dhe në rritje më të ulët ose negative ekonomike rajonale e evropiane.

Duke gjykuar Këshilli Mbikëqyrës vendosi në mbledhjen e sotme të rrisë me 0.5 % normën bazë të interesit, duke e çuar në nivelin e 2,25 %, të rrijë 0.5% normën e interesit të depozitës 1 ditore duke e çuar në nivelin e 1.25% dhe të rrisë po ashtu 0,5% normën e interesit të kredisë 1 ditore duke e çuar në nivelin 3.25%”, theksoi Sejko.

LEXONI GJITHASHTU

• Gent Sejko: Inflacioni u rrit deri në 8% në muajin gusht
• Sa shpenzuan mesatarisht në muaj familjet shqiptare në vitin 2021
• Rama: Në tetor s’do hyjë në fuqi fasha 800 KW për konsumatorët familjarë