Shtyhet seanca ndaj Berishës në GJKKO, Gjokutaj: Na kërkuan para për…

Ditën e sotme në GJKKO është zhvilluar seanca gjyqësore për kërkesën e SPAK për zgjatjen e hetimeve me 3 muaj për ish-kryeministrin Sali Berisha dhe dhëndrin e tij Jamarbër Malltezi.

Seanca nuk zgjati shumë dhe u shty për në datën 19 korrik. Avokati i Berishës, Genc Gjokutaj, deklaroi se Gjykata ka gabuar me zvarritjen e procesit gjyqësor ndaj ish-kryeministrit, pasi sipas tij, ajo i merr urdhërat nga SPAK.

Ai tha gjithashtu se Gjykata nuk i ka dhënë fashikujt e rinj të përpiluar nga SPAK, të cilat përmbajnë aktet e procesit gjyqësor.

Sipas Gjokutajt, për t’u njohur me aktet Gjykata ka kërkuar një pagesë të caktuar.

Kujtojmë se SPAK kërkoi zgjatje të hetimeve për Berishën dhe dhëndrin e tij, Jamarbër Malltezi deri në 2 tetor.

“Sigurisht që ky informacion mbështetet në një bazë dokumentare që ne nuk e disponojmë deri në momentin që po flasim. Kolegu ka ardhur në gjykatë dhe ata i kanë vënë kusht që këto akte duhet të merren kundrejt pagesës. Ligji i ka ndarë në fund të gjykimit shpenzimet.

Kanë edhe praktikën e Beqjas që ia kanë dhënë aktet, por ne nuk jemi persona të interesuar në proces, sepse përdor një dispozitë tjetër gjykata. Pse ka gabuar gjykata? Rruga e zvarritjes. Afërmendsh gjykata bën atë që thotë SPAK.

Ata kanë marrë zgjatjen dhe duan ta mbajnë këtë çështje. Prokuroria ka marrë 3 muaj për hetimet, deri në 2 tetor. Këto gjëra i di Rama dhe Maneku. Unë s’kam përgjigje, por arsyeja është thellësisht serioze për ta. Kjo vendosi që aktet duhen marrë me pagesë”, tha Gjokutaj.

LEXONI GJITHASHTU:

• Berisha bën thirrje për pjesëmarrje në protestë: Nesër është dita e shqiptarëve
• “Një minutë heshtje”, Berisha: Kadare ngriti një Olimp të vërtetë letrat shqiptare