Shtyhet vendimi për Berishën, Gjokutaj: Kemi prova për njëanshmërinë e gjyqtares

Avokati Genc Gjokutaj ka dhënë një deklaratë për mediat pas daljes nga GJKKO, ku vendimi për masën e sigurisë ndaj Sali Berishës u shty për 30 dhjetor në orën 12:00.

Ai theksoi mes tjerash se kanë provat që mbështesin kërkesën e Berishës për përjashtimin e gjyqtares Irena Gjoka.

Avokati nënvizoi se provat që disponojnë tregojnë se Gjoka është e njëanshme.

“Siç e njoftuam dje kërkesa për përjashtimin e gjyqtares ka një afat kohor prej 3 ditësh. Sot kemi marrë pjesën më të madhe të provave dhe Gjykata e shtyu me datë 30 ora 12:00 dhe të shohim vendimin. Brenda afatit ligjor, ne kemi marrë provat që mendojmë që mbështesin kërkesën për përjashtimin e gjyqtares. Janë ato prova që provojnë njëanshmërinë e gjyqtares. Do respektoj ligjin. Po zbatojmë kodin ligjor”-tha ai.

LEXONI GJITHASHTU: 

• Kërkoi lirimin nga burgu, GJKKO merr vendimin për Fredi Belerin
• Basha apo Berisha, kush është sot kryetari i PD? Avokati sqaron vendimin e GjL