Shuhen vatrat e zjarrit në Bashkinë e Dropullit dhe Malin e Gjerë

Janë shuar zjarret në Bashkinë e Dropullit, të cilat kishin përfshirë prej ditësh disa fshatra.

Po ashtu janë shuar edhe zjarret që kishin përfshirë Malin e Gjerë në Gjirokastër, ku ishin 4 vatra. Situata po monitorohet nga autoritetet për të shmangur çdo mundësi riaktivizimi.

Ndërkohë në fshatin Kakodhiq në bashkinë e Delvinës po vijon aksioni me forcat e bashkisë, efektivët e Forcave të Armatosura, forca shtesë zjarrfikësish nga Berati, por edhe dy avionë PZL nga Greqia, për shuarjen e flakëve.

Sipas autoriteteve operacioni vazhdon edhe pranë liqeneve të Lurës në Dibër. Policia dhe forcat zjarrëfikëse kanë apeluar qytetarët që të tregojnë kujdes të shtuar në këtë periudhë të të nxehtit, në mënyrë që të shmangin çdo incident të mundshëm që mund të shkaktojë zjarre.

LEXONI GJITHASHTU:

• Dropull| Kisha Ortodokse apel banorëve: Mos ndizni zjarre
• 12 kilometra perimetri i zjarrit në Malin e Gjerë, situata kritike