Shumë larg qytetërimit, ku ndodhet burgu i izoluar ku Navalny kaloi ditët e fundit
Ditën e djeshme, kryeopozitari rus Alexei Navalny ndërroi jetë teksa ishte duke vuajtur dënimin në një burg të sigurisë së lartë.
Me nofkën e duhur ‘Ujku Polar’, burgu ndodhet mbi Rrethin Arktik dhe përshkruhet si një “koloni e regjimit të veçantë”, me temperaturat në rajon që bien në -30 gradë C në dimër.
Sipas mediave të huaja, burgu është aq shumë në periferi të qytetërimit, saqë e bën pothuajse të pamundur për vizitorët që të arrijnë atë vend.
Navalny u transportua në këtë burg nga burgu i mëparshëm në koloninë Melekhovo, afërsisht katër orë larg Moskës, ku ai kishte vuajtur një dënim dy-vjeçar.
Gjatë kohës së tij në burg, ai vuante nga probleme shëndetësore, ndoshta si pasojë e helmimit me Novichok, për të cilin kishte kërkuar trajtim jetëshpëtues në Perëndim.
Duke raportuar dhimbje dobësuese të shpinës, dhimbje stomaku dhe mpirje në këmbë, politikanit të opozitës iu mohua aksesi në dosjet mjekësore, ilaçet dhe i nënshtrohej kontrolleve çdo orë gjatë natës.
Më 22 janar, ai shpjegoi se si gardianët e burgut i zgjonin shpesh të gjithë në orën 5 të mëngjesit për të luajtur himnin kombëtar rus.
“Dhe menjëherë pas kësaj – kënga e dytë më e rëndësishme në vend: ‘Ya Russky’ e Shamanit,” tha ai, një këngë që përkthehet në “Unë jam rus” dhe është bërë një himn jozyrtar i Vladimir Putinit.
Megjithatë, humori dhe karizma e tij ishin ende të dukshme në dhjetor, kur ai dha një pasqyrë të udhëtimit 1,200 milje (1,930 km) nga Melekhovo në Kharp.
“20 ditët e transportit tim ishin goxha rraskapitëse, por unë jam ende në humor të mirë, siç i ka hije një babagjyshi”, tha ai me shaka.

LEXONI GJITHASHTU:
Deklaratat antisemite të artistit, Gjykata holandeze i hap rrugën koncerteve të Kanye West
SpaceX drejt ofertës publike fillestare më të madhe në histori, prej 75 miliardë dollarësh
Dhoma e Përfaqësuesve miraton masën për t’i dhënë fund luftës në Iran
- 10:55 Mbërrin me helikopter te Trauma efektivi i plagosur gjatë operacionit në Maliq
- 10:53 Zbulohet një kompleks termal romak në Lushnje
- 10:45 Autori ish-ushtarak bënte qitje në pyll, pamje nga vendi ku u vra polici në Maliq (VIDEO)
- 10:30 Kuvendi mban një minutë heshtje për efektin e policisë të vrarë në krye të detyrës në Maliq (VIDEO)
- 10:27 LIVE- Plumba mbi policinë, vritet efektivi në krye të detyrës, plagoset kolegu i tij.
- 09:59 Presidenti Begaj reagon për vrasjen e efektivit në Korçë: Policia nuk do të zbrapset